کولگام: سڑک کی حالت خستہ ہونے سے مقامی آبادی پریشان

پردھان منتری گرام سڑک یوجنا کے تحت سڑک کی تعمیر کی گئی، لیکن جلد ہی اس کی حالت خراب ہو گئی۔

ضلع کولگام کے کنڈ علاقہ میں سڑک کی حالت خستہ ہونے سے مقامی لوگوں کو مشکلات کا سامنا ہے۔ سڑک پر گہرے کھڈے بن گئے ہیں جس کے سبب لوگوں کو آنے جانے میں مشکلات پیش آرہی ہے۔

پردھان منتری گرام سڑک یوجنا کے تحت سڑک کی تعمیر کی گئی، لیکن جلد ہی اس کی حالت خراب ہو گئی۔ منٹوں کا سفر گھنٹوں میں طے ہو رہا ہے۔ سڑک سے اٹھنے والے گرد و غبار سڑک کے دونوں اطراف بسنے والی آبادی کے لیے سوہان روح بن چکے ہیں۔

مقامی ڈرائیوروں کا کہنا ہے کہ سڑک خستہ حالی کے باعث انہیں نقصان سے دوچار ہونا پڑ رہا ہے۔ لوگوں نے مطالبہ کیا ہے کہ سڑک پر فوری طور پر میگڈم بچھایا جائے۔