قاضی گنڈ: کمسن بچی تیز رفتار ٹریکٹر کی زد میں

جنوبی کشمیر کے دامجن، قاضی گنڈ میں تیز رفتار ٹریکٹر کی زد میں آکر ایک کمسن بچی ہلاک ہوگئی۔

جنوبی کشمیر میں ضلع کولگام کے دامجن، قاضی گنڈ علاقے میں ایک تیز رفتار ٹریکٹر نے کمسن بچی کو کچل ڈالا۔

نمائندے کے مطابق جمعرات کو دامجن علاقے میں اس وقت کہرام بپا ہوا جب ایک تیز رفتار ٹریکٹر نے 7 سالہ زرینہ شبیر دختر شبیر احمد بٹ کو ٹکر مار ماری، حادثے کے بعد ڈرائیور موقعے سے فرار ہو گیا۔

خون میں لت پت بچی کو فوری طور قاضی گنڈ اسپتال پہنچایا گیا جہاں ڈاکٹروں نے اسے مردہ قرار دے دیا۔

اس ضمن میں پولیس نے معاملہ درج کرکے مفرور ڈرائیور کی تلاش شروع کر دیا ہے۔

سات سالہ زرینہ کی حادثاتی موت کے بعد علاقے کے باشندوں نے احتجاجی مظاہرہ کیا۔

مظاہرین نے الزام عائد کرتے ہوئے کہا کہ علاقے کے نزیک ساندرن نالہ سے ریت اور باجری نکالنے کی وجہ سے دن رات اس علاقے سے ٹریکٹروں اور ٹپروں کا آنا جانا لگا رہتا ہے جس کے سبب کئی بار ایسے حادثات رونما ہوئے۔