جہاں ان دنوں تیسرے مرحلے کے بیک ٹو ولیج کے حوالے سے وادی بھر میں جوش وخروش سے عوامی مسائل کے حل کے لیے تقریبات منعقد ہو رہی ہے وہیں جنوبی کشمیر کے ترال علاقے میں واقع ایک اہم سڑک کی خستہ حالی سے وسیع آبادی کو زبردست مشکلات درپیش ہے۔
تفصیلات کے مطابق ترال سے بارہ کلومیٹر دور واقع آوری گنڈ، وزل کلناڈ، زاجہ کھوڈ اور دیگر نزدیکی دیہات کی آبادی کو رابطہ سڑک کی خستہ حالی سے سخت پریشانیوں کا سامنا ہے۔
کہلیل سے زاجہ کھوڈ اور ناگہ پتھری دہیات کو جانے والی اس سڑک کو سال دو ہزار دس میں پی ایم جی ایس وائی تعمیراتی ایجنسی نے ہاتھ میں لیا لیکن پیرہ بوٹھ نامی موڈ کے مقام پر کام کو ادھورا چھوڑ دینے سے گاڑیاں بھی اوپر نہیں جا سکتی ہیں، جس کی وجہ عام لوگوں کے ساتھ ساتھ درد زہ میں مبتلا خواتین کو زبردست مشکلات درپیش ہیں۔
یہ بھی پڑھیں: پہلگام: سیاحوں کو سیر کرانے والے روزی روٹی سے محروم
ایک مقامی شہری عبد السلام نے بتایا کہ سال دو ہزار دس سے وہ اس پریشانی میں پھنسے ہوئے ہیں اور اب ان کے لیے سماجی مسائل بھی پیدا ہو گئے ہیں اور ہمارے نوجوانوں کو شادی کے لیے رشتہ بھی دشوار ہو گیا ہے۔ مقامی لوگوں کا انتظامیہ سے مطالبہ ہے کہ سڑک کی تعمیر کا کام کیا جائے۔