نوجوانوں کو چاہئے کہ وہ عسکریت پسندی کا راستہ ترک کرکے ملک کی ترقی میں شامل ہو جائے۔ ان باتوں کا اظہار بی جے پی جموں کشمیر کے نائب صدر صوفی یوسف نے قاضی گنڈ میں ایک تقریب کے حاشئے پر نامہ نگاروں سے بات کرتے ہوئے کیا۔
انہوں نے کہا کہ 2018 کے بعد جموں و کشمیر میں عسکریت پسندی کا گراف کم ہوا ہے اب بہت کم نوجوان عسکریت کا راستہ اختیار کر رہے ہیں، جس میں صرف ان کا نقصان ہے۔
انہوں نے کہا عسکری صف میں شامل ہوئے نوجوانوں کو تشدد کا راستہ ترک کرکے ملک کی ترقی میں شامل ہونا چاہئے۔
اس سے قبل پارٹی سے وابستہ کارکنوں نے ملک کے وزیر اعظم نریندر مودی کے یوم پیدائش کے موقع پر ایمر جنسی ہسپتال قاضی گنڈ میں مریضوں، تیمارداروں اور ہسپتال عملہ میں میوہ تقسیم کیا۔
صوفی کا کہنا تھا کہ 'نریندر مودی اپنا جنم دن نہیں مناتے ہیں تاہم ہمارا حق ہے کہ ہم اپنے محبوب رہنما کا جنم دن منائے۔ اسی کو مدنظر رکھ کر بی جے پی کارکنوں نے امسال وزیراعظم کے جنم دن کو 'سیوا ہفتہ' منانے کا فیصلہ کیا۔'