کولگام : مشتبہ حالت میں ہلاک خاتون کی تدفین، مقامی خواتین کا احتجاج

اہل خانہ کا الزام ہے کہ خاتون کا قتل کیا گیا ہے۔ خاتوں کو سُپرد خاک کرنے کے بعد علاقے کی عورتوں نے احتجاج کیا اور قصور واروں کے خلاف کارروائی کی مانگ کی۔

جنوبی کشمیر کے ضلع اننت ناگ کے مومن آباد میں گذشتہ روز ایک خاتون کی مبینہ خود کشی کے بعد آج اس کی لاش کو لواحقین کے حوالے کیا گیا۔ لواحقین نے لاش کو خاتون کے آبائی علاقے چہلن، کولگام لایا، جہاں اسے سپرد خاک کیا گیا۔

اس دوران لواحقین کی جانب سے احتجاج بھی کیا گیا۔ اہل خانہ کا الزام ہے کہ خاتون کا قتل کیا گیا ہے۔ خاتوں کو سُپرد خاک کرنے کے بعد علاقے کی عورتوں نے احتجاج کیا اور قصور واروں کے خلاف کارروائی کی مانگ کی۔

اہل خانہ کے مطابق جب وہ اننت ناگ پہنچے تو وہاں پہلے سے ہی مکان میں آگ لگی ہوئی تھی۔

واضح رہے کہ آگ لگانے کے الظام میں خاتوں کے بھائی اور دو لڑکوں کو پولیس کی جانب سے گرفتار کیا گیا ہے۔

ہلاک شدہ خاتون کی بہن فریدہ نے کہا 'میری بہن کو قتل کیا گیا اور ایک سازش کے ذریعہ میرے بھائی کو حراست میں لیا گیا۔'' انہوں نے مطالبہ کیا کہ میرے بھائی کو جلد از جلد رہا کیا جائے۔