کولگام میں لیگل ایڈ معلوماتی پروگرام کا اہتمام

لیگل سروسز اتھارٹی کی جانب سے 15 نومبر تک ہر روز معلوماتی و آگہی پروگرامز منعقد کرنے کے لیے ایک کلینڈر مرتب کیا گیا ہے۔

ڈسٹرکٹ لیگل سروسز اتھارٹی، کولگام اور ضلع انتظامیہ کے اشتراک سے ڈاک بنگلو کولگام میں ’’آزادی کا امرت مہوتسو‘‘ کے تحت ایک لیگل ایڈ معلوماتی پروگرام کا اہتمام کیا گیا۔

پروگرام میں لیگل سروسز اتھارٹی کے افسران سمیت ایڈیشنل ڈپٹی کمشنر کولگام کے علاوہ مقامی باشندوں نے بھی حصہ لیا۔

لیگل ایڈ پروگرام میں مرکزی سرکار سمیت یو ٹی انتظامیہ کی جانب سے وضع کی گئی اسکیمز سے متعلق حاضرین کو جانکاری دی گئی۔

ڈسٹرکٹ لیگل سروسز اتھارٹی کی سیکریٹری نے ذرائع ابلاغ کے نمائندوں سے بات کرتے ہوئے کہا کہ اگر مرکزی سرکار کی جانب سے وضع کی گئی اسکیمز کا فائدہ عام لوگوں تک نہیں پہنچے گا، تو اس طرح کی اسکیمز رائیگاں ہو جاتی ہیں۔‘‘

انہوں نے مزید کہا کہ لیگل سروسز اتھارٹی کی جانب سے 15 نومبر تک ہر روز اس طرح کے معلوماتی اور آگہی پروگرامز منعقد کرنے کے لیے ایک کلینڈر مرتب کیا گیا ہے۔