کولگام: بندوق برداروں کے حملے میں زخمی نوجوان ہلاک

سرکاری ذرائع کے مطابق گزشتہ دنوں مشتبہ عسکریت پسندوں نے توری گام میں وسیم احمد ولد محمد امین نامی نوجوان پر فائرنگ کی۔

وسیم کے پیروں میں گولیاں لگی تھیں جس سے وہ شدید زخمی ہو گیا تھا۔ اسے علاج کے لئے قریبی ضلع اسپتال منتقل کیا گیا۔

اس دوران ڈاکٹروں نے انہیں سرینگر منتقل کیا اور سات دن گزرنے کے بعد وسیم دم توڑ بیٹھا۔

وہیں ان کے آبائی گاؤں میں مقامی ذرائع نے فون پر بتایا کہ وسیم آج صبح زخموں کی تاب نہ لاکر چل بسا اور اس کی لاش ابھی سرینگر اسپتال میں ہی رکھی ہوئی ہے۔ قانونی کاروائی کے بعد اس کی لاش لواحقین کے حوالے کی جائے گی۔

مزید تفصیلات کا انتظار ہے۔