کولگام کا رہائشی سعودی عرب میں سڑک حادثے میں ہلاک

سعودی عرب کے شہر ریاض میں کولگام کے اایک نوجوان کی سڑک حادثے میں موت ہوگئی۔ نوجوان کو ریاض میں ہی سپرد خاک کیا گیا۔

جنوبی ضلع کولگام کے پانزتھ دیوسر کا نوجوان سعودی عرب کے شہر ریاض میں سڑک حادثے کے دوران جاں بحق ہوا ہے۔

27 سالہ رئیس احمد بٹ ولد عبدالغنی بٹ گذشتہ 3 سال سے سعودی عرب میں ڈرائیور کا کام کرتا تھا، کل رات نوجوان سڑک حادثے میں جاں بحق ہوا ہے۔

اطلاعات کے مطابق، نوجوان کی شادی عید کے بعد طے پائی تھی اور انکی واپسی عید کے بعد تھی تاہم گھر پہنچنے سے پہلے ہی وہ دارفانی سے کوچ کرگیا ہے۔ جوں نی موت کی خبر انکے گاؤں میں پھیلی تو یہاں صف ماتم بچھ گئی ۔

مذکورہ نوجوان کے اہل خانہ کے مطابق، نوجوان کو ریاض میں ہی سپرد خاک کیا گیا ہے۔