جنوبی کشمیر کے ضلع کولگام میں کورونا وائرس کے بڑھتے پھیلاؤ کے پیش نظر اسٹیٹ بینک آف انڈیا کی کولگام برانچ نے ڈی سی کولگام شوکت اعجاز بٹ کو پروٹیکشن گئیر کا عطیہ پیش کیا۔
اسٹیٹ بینک آف انڈیا، کولگام برانچ کی جانب سے دیے گئے گئے پروٹیکشن گئیر میں فیس ماسک، سینیٹائزر اور پی پی ای کٹس شامل ہیں۔
ذرائع ابلاغ کے نمائندوں سے بات کرتے ہوئے ایس بی آئی کولگام برانچ کے جنرل منیجر گلزار احمد ڈار نے کہا کہ بینک کی جانب سے وادی کے سبھی اضلاع میں کووڈ 19 مراکز و اسپتالوں میں کورونا کی جنگ لڑ رہے فرنٹ لائن وارئرس کے لیے یہ کٹس تقسیم کیے جاتے ہیں۔
اس موقع پر ضلع ترقیاتی کمشنر نے ایس بی آئی کا شکریہ ادا کرتے ہوئے کہا کہ اس وبائی بیماری کو روکنے کے لیے اجتماعی و انفرادی طور سبھی افراد کو آگے آنا چاہئے اور انتظامیہ سے مل کر ایک دوسرے کی مدد کرنا وقت کی اہم ضرورت ہے۔