قاضی گنڈ: میڈیکل اسٹور میں نقب زنی اور چوری

جنوبی کشمیر کے قاضی گنڈ علاقے میں جمعہ اور ہفتہ کی درمیانی شب نقب زنی کر کے کیمسٹ کی دکان سے نقدی لوٹ لی گئی۔

اطلاعات کے مطابق کولگام ضلع کے قاضی گنڈ علاقہ کے مین مارکیٹ میں ایک کیمسٹ کی دکان میں گزشتہ شب نقب زنوں نے نقدی لوٹنے کے علاوہ دکان میں لگے سی سی ٹی وی کیمروں کو بھی نقصان پہنچایا۔

دکان کے مالک کے مطابق نقب زنوں نے تقریباً 30 ہزار کی نقد رقم اڑا لی ہے۔

اس ضمن میں پولیس نے معاملہ درج کے مزید تفتیش شروع کر دیا ہے۔

مقامی باشندوں نے قصورواروں کے خلاف سخت سے سخت کارروائی کا مطالبہ کیا ہے۔ ’تاکہ دوبارہ اس طرح کے واقعات رونما نہ ہوں۔