ضلع کولگام کے چھمبہ گنڈ روڈ پر واقع نالہ ویشو کے قریب مقامی لوگوں نے خاموش احتجاج کیا۔
احتجاج کر رہے لوگوں نے ویشو نالہ پر تعمیر کیے گئے پل کے نزیک غیر قانونی طور ریت اور بجری نکلالے جانے پر برہمی کا اظہار کرتے ہوئے انتظامیہ سے عوامی املاک کی حظاظت کو یقینی بنائے جانے کی مانگ کی۔
لوگوں نے بتایا کہ ویشو نالہ سے پل کے نزیک ریت اور باجری نکلانے کا غیر قانونی عمل کافی عرصے سے جاری ہے جس کے سبب پل بنیادیں کمزور ہو گئی ہیں۔
مزید پڑھیں: کولگام: کھیل کے میدان کے لیے سرکاری زمین پر قبضہ
انہوں نے دعویٰ کیا کہ اس سے قبل بھی اس طرح کے عمل سے پل کو نقصان پہنچا ہے۔ انہوں نے اس ضمن میں انتظامیہ سمیت محکمہ جیالوجی اینڈ مائننگ سے مداخلت کی اپیل کرتے ہوئے غیر قانونی طور ریت اور باجری نکالنے کے عمل کو روکنے کی اپیل کی۔