کولگام تصادم: دو عسکریت پسندوں نے خود سُپردگی کرلی

جنوبی کشمیر کے ضلع کولگام میں سیکیورٹی فورسز اور عسکریت پسندوں کے مابین تصادم کے دوران دو عسکریت پسندوں نے خود سُپردگی اختیار کر لی ہے۔

پولیس ذرائع کے مطابق عسکریت پسندوں کی موجودگی کی خفیہ اطلاع موصول ہونے پر جموں و کشمیر پولیس، فوج اور سی آر پی ایف نے مشترکہ طور پر کولگام کے ٹنگڈنو علاقے کو محاصرے میں لیا اور تلاشی کاروائی شروع کر دی، جس دوران تصادم شروع ہوا۔

پولیس کے مطابق تصادم کے دوران دو عسکریت پسندوں نے خود سُپردگی اختیار کرلی ہے۔

کشمیر زون پولیس نے اپنے آفیشل ٹویٹر ہینڈل پر ٹویٹ میں کہا 'ٹنگڈنو میں تصادم کے دوران لشکر طیبہ سے وابستہ دو مقامی عسکریت پسند نے اہل خانہ کی اپیل پر خود سُپرسگی اختیار کر لی۔ جائے تصادم سے اسلحہ برآمد کیا گیا ہے'۔