قاضی گنڈ: سڑک حادثے میں سی آر پی ایف افسر زخمی

جنوبی کشمیر کے ضلع کولگام میں سڑک حادثے کے دوران ایک سی آر پی ایف آفیسر شدید زخمی ہو گئے۔

کولگام ضلع کے قاضی گنڈ علاقہ میں جمعرات کو ایک ٹرک اور سی آر پی ایف کی گاڑی کے مابین ٹکر کے نتیجے میں سی آر پی ایف کی 163 بٹالین سے وابستہ انسپکٹر جوشی شدید زخمی ہوگئے۔

زخمی آفیسر کو فوری طور ایمرجنسی اسپتال قاضی گنڈ پہنچایا گیا جہاں ڈاکٹروں نے انہیں ابتدائی علاج و معالجے کے بعد سرینگر کے صورہ میڈیکل انسٹیٹیوٹ ریفر کر دیا۔

ڈاکٹروں کے مطابق آفیسر کے سر میں چوٹ آئی ہے جس کی وجہ سے ان کی حالت کافی نازک ہے۔

حادثے کی نسبت سے پولیس نے معاملہ درج کرکے مزید کارروائی شروع کر دی ہے۔