کولگام میں دم گھٹنے سے 5 مویشی ہلاک

جنوبی کشمیر کے ضلع کولگام میں دم گھٹنے کے سبب پانچ مویشی ہلاک ہو گئے۔

ضلع کولگام کے بنہ بھٹ، لامڑ علاقے میں ادریس احمد گورسی ولد میر جی گورسی نے گئو خانہ میں رات کو آگ جلا کر رکھی تھی۔ اور صبح انہوں نے گئو خانے میں موجود سبھی مویشیوں کو مردہ پایا۔

ہلاک ہونے والے جانوروں میں 2 بھینسیں، 2 گاے اور ایک بچھڑا شامل ہے۔

واقعے کی اطلاع موصول ہوتے ہی محکمہ انیمل ہسبنڈری عملہ نے موقع پر پہنچ کر حالات کا جائزہ لیا۔

عملہ کا کہنا ہے کہ مویشیوں کی موت کی وجہ زہریلا دھواں ہے جو گئو خانہ میں رکھی گئی آگ کے سبب پیدا ہو جس کے سبب مویشی دم گھٹنے سے ہلاک ہو گئے۔