کولگام میں پولیس پارٹی پر حملہ

جنوبی کشمیر میں کولگام کے علاقے یاری پورہ میں عسکریت پسندوں نے پولیس کی پارٹی پر حملہ کیا۔

اطلاعات کے مطابق یاری پورہ علاقے کی مارکٹ میں پولیس پارٹی تعینات تھی، اچانک عسکریت پسندوں نے ان پر حملہ کیا۔ جس میں محکمہ صحت کا ایک ملازم زخمی ہو گیا۔ انہیں فوری طور پر ہسپتال منتقل کیا گیا۔

زخمی ملازم کی شناخت امتیاز احمد کے طور پر ہوئی ہے۔

بتایا جاتا ہے کہ عسکریت پسندوں نے مین مارکٹ میں مقامی ایس ایچ او کی گاڑی پر حملہ کیا اور فرار ہو گئے۔

ذرائع نے بتایا کہ حملے کے فوراً بعد فوج اور پولیس کے اہلکار جائے واردات پر پہنچ گئے اور علاقے کو اپنی تحویل میں لے کر تلاشی کارروائی شروع کردی ہے۔