جنوبی کشمیر کے ضلع کولگام کے نپورہ علاقے میں جموں سے تعلق رکھنے والے ایک شخص نے مبینہ طور خود کشی کرکے اپنی زندگی کا خاتمہ کر دیا۔
ذرائع نے بتایا کہ کولگام کے نپورہ علاقے میں الپائن پٹرول پمپ کے نزدیک ہفتہ کی صبح ایک غیر مقامی شخص کی لاش ایک درخت سے لٹکی ہوئی پائی گئی۔
ذرائع نے مبینہ طور پر خودکشی کرکے اپنی زندگی کا خاتمہ کرنے والے کی شناخت رویندر سنگھ ولد دیوا سنگھ ساکن جگر سمبلی پریال جموں کے طور پر کی ہے۔
ذرائع نے مزید بتایا کہ متوفی شخص کی لاش کو طبی لوازمات کے لئے نزدیکی ہسپتال منتقل کیا گیا ہے۔
دریں اثنا ایک پولیس افسر نے واقعے کی تصدیق کرتے ہوئے کہا کہ اس ضمن میں ایک کیس درج کرکے تحقیقات شرع کردی گئی ہیں۔