کولگام: بھیانک آتشزدگی میں مکان خاکستر

جموں و کشمیر کے ضلع کولگام میں بھیانک آگ لگنے کی وجہ سے ایک مکان جل کر خاکستر ہو گیا۔

متل ہامہ کولگام کے عبدالرشید ریشی نام کے شخص کے گھر میں اچانک آگ لگ گئی جس کی وجہ سے مکان میں رکھے لاکھوں کے سامان جل کر خاک ہوگئے۔

مقامی لوگوں کے مطابق آتشزدگی کا یہ واقعہ شارٹ سرکٹ کی وجہ سے ہوا۔

آگ کے بلند شعلوں کی وجہ سے مقامی لوگوں میں خوف و ہراس کا ماحول پیدا ہوگیا لیکن فائر بریگیڈ عملہ کی بروقت کارروائی سے آگ کو مزید پھیلنے سے روک دیا گیا۔