تفصیلات کے مطابق قاضی گنڈ علاقہ میں محکمہ جل شکتی کے آئی ٹی آئی تربیت یافتہ ملازمین نے خدمات کی مستقلی اور دیگر مانگوں کو لے کر حکومت کے خلاف احتجاجی مظاہرہ کرتے ہوئے ایس آرا و 64 کوعملی جامہ پہنانے کا مطالبہ کیا۔
جل شکتی دفتر کے باہر احتجاج کر رہے محکمہ کے آئی ٹی آئی تربیت یافتہ ملازمین نے ہاتھوں میں بینر اٹھارکھے تھے جن پر’گورنر صاحب، انصاف کرو'، 'ایس آر او 64 لاگوکرو'، 'ہم کیا چاہتے انصاف' نعرے درج تھے۔ اس دوران مظاہرین نے حکومت پر ان کی خدمات کی مستقلی کے سلسلے میں غیر سنجیدگی برتنے اور گزشتہ کئی مہینوں کی واجب الادا تنخواہیں ریلیئز نہ کرنے کاالزام عائدکیا۔
عارضی ملازمین نے حکومت اور محکمہ جل شکتی کے اعلیٰ حکام کے خلاف نعرے بازی کی اور ان کی مانگوں کو فوری طور پر پورا کرنے کی اپیل کی۔