جنوبی کشمیر کے ضلع کولگام میں جموں و کشمیر پولیس نے ایک مقامی باشندے کو پولیس کے نام پر لوگوں کو ڈرانے دھمکانے اور ان سے پیسے اینٹھنے کے الزام میں گرفتار کرلیا۔
کولگام: پولیس کے نام پر پیسے اینٹھنے کے الزام میں ایک شخص گرفتار
کولگام پولیس نے ایک تحریری شکایت پر کارروائی عمل میں لاتے ہوئے بچرو، کولگام کے ایک رہائشی کو گرفتار کرنے کے علاوہ اس کی تحویل سے 20 ہزار روپے ضبط کرلیے ہیں۔
پولیس ذرائع سے معلوم ہوا ہے کہ ملزم محمد اقبال بٹ ساکنہ بچرو، کولگام نے ایک شخص سے پولیس کے نام پر روپے اینٹھے ہیں، جس کے بعد متاثرہ نے تحریری شکایت درج کی۔