Kulgam IED Recovered: کولگام میں آئی ای ڈی برآمد، فورسز نے ناکارہ بنادیا

جموں و کشمیر کے کولگام میں فوج نے دھماکہ خیز مادہ آئی ای ڈی کو ناکارہ بنادیا ہے۔ پولیس کا کہنا ہے کہ 'بم ڈسپوزل اسکواڈ' کو طلب کیا گیا تھا۔ قبل ازیں سڑک پر ٹریفک کی نقل و حرکت بند کردی گئی تھی۔

مرکز کے زیر انتظام جموں و کشمیر کے کولگام میں منگل کی شام میں سکیورٹی فورسز نے قاضی گنڈ کے دمجان علاقے میں ریلوے ٹریک کے قریب عسکریت پسندوں کے ذریعہ نصب کردہ دھماکہ خیز مادہ آئی ای ڈی کو ناکارہ بنادیا ہے۔

پولیس نے بتایا کہ کشمیر پولیس اور فوج نے آج شام عسکریت پسندوں کے ذریعہ لگائے گئے 20 کلو IED کا پتہ لگاکر اسے ناکارہ بنادیا ہے۔

پولیس کا اس سلسلہ میں کہنا ہے کہ 'بم ڈسپوزل اسکواڈ' کو طلب کیا گیا تھا اور سڑک پر ٹریفک کی نقل و حرکت بند کردی گئی تھی۔

انہوں نے بتایا کہ IED کو کامیابی کے ساتھ ناکارہ کردیا گیا ہے۔ جس کی وجہ سے بڑا حادثہ ہونے سے رہ گیا۔