فوج کی ویکٹر فورس ونگ کے جی او سی میجر جنرل ریشم بالی نے آج جنوبی ضلع کولگام کے قیموہ میں قائم شیخ نور الدین نورانی کی زیارت کا دورہ کیا اور وہاں پر اپنی حاضری دینے کے ساتھ ساتھ وہاں زیارت پر چارد پوشی کی۔
اس موقع پر انہوں نے زیارت کے منتظمین سے بھی بات کی۔ اور انہیں ہر طرح کی مدد کی یقین دہائی کرائی۔ جی او سی نے اپنے افسران کو ہدایت دی کہ انکے جتنے بھی معاملے ہے انکو جلد سے جلد پورا کیا جائے۔
جی او سی کے مطابق ان کے اہلخانہ روایتی طور پر اس زیارت پر آتے ہیں۔
واضح رہے قیموہ میں شیخ نور الدین نورانی کی اور ان کے اہلخانہ کی زیارت ہیں۔ یہاں نہ صرف کشمیر سے بلکہ ملک کی باقی ریاستوں سے بھی عقیدتمند آتے ہیں۔