کولگام میں قمار باز گرفتار، داؤ پر لگی رقم بھی ضبط

جنوبی کشمیر کے ضلع کولگام میں جموں و کشمیر پولیس نے قمار بازوں کو گرفتار کرکے داؤ پر لگی رقم کو بھی ضبط کر لیا۔

جنوبی کشمیر میں کولگام ضلع کے دیوسر علاقے میں جموں و کشمیر پولیس نے چار قمار بازوں کو گرفتار کر لیا ہے۔ اس کے علاوہ دائو پر لگی ہزاروں روپے کی رقم کو بھی ضبط کر لیا گیا ہے۔

پولیس ذرائع کے مطابق ایک مصدقہ اطلاع پر پولیس نے بوزگام علاقے میں قائم ایک جوئے کے اڈے پر چھاپہ مار کر 4 افراد ہلال احمد وانی ساکنہ آرو، عادل احمد لون ساکنہ بوزگام، عرفان احمد گنائی و فیروز احمد پرے ساکنان کیلم کو گرفتار کیا ہے۔ اس کے علاوہ پولیس نے داؤ پر لگی 4500 کی رقم کے علاوہ دیگر اشیاء کو بھی ضبط کیا ہے۔

قمار بازوں کو سلاخوں کے پیچھے دھکیل کر انکے خلاف ایک مقدمہ زیر ایف آئی آر نمبر 90/2020درج کیا گیا ہے۔