کولگام: آئی ای ڈی دھماکے میں چار فوجی اہلکار زخمی

دھماکے کے فوراً بعد سکیورٹی فورسز نے علاقے کو محاصرے میں لیکر تلاشی کاروائی شروع کر دی ہے۔

جنوبی کشمیر کے کولگام علاقے کے شمسی پورہ میں آئی ای ڈی دھماکے میں 4 فوجی اہلکاروں کے زخمی ہونے کی اطلاع ہے۔

تفصیلات کے مطابق شمسی پورہ علاقے میں ایک اسکول کی عمارت میں آئی ای ڈی دھماکہ ہوا جس کے نتیجے میں چار فوجی اہلکار زخمی ہوگئے۔ زخمیوں کو فوری طور پر ہسپتال منتقل کیا گیا۔ ذرائع نے بتایا کہ زخمیوں میں ایک فوجی اہلکار کی حالت تشویشناک ہے۔

ذرائع نے بتایا کہ حسب معمول فوجی اہلکاروں کی ایک ٹیم اسکول کی عمارت کے قریب ڈیوٹی انجام دے رہی تھی کہ اچانک دھماکہ ہوا۔ دھماکے کی زد میں آکر چار فوجی جوان زخمی ہوگئے۔

ادھر دھماکے کے فوراً بعد سکیورٹی فورسز نے وسیع پیمانے پر علاقے میں تلاشی کاروائی شروع کردی ہے۔ علاقے کو چاروں اطراف سے گھیرے میں لے لیا گیا ہے اور ہر آنے جانے والے کی تلاشی لی جا رہی ہے۔