کولگام: آتشزدگی میں دو مکان خاکستر

آگ لگنے کی وجوہات کا پتہ لگایا جا رہا ہے۔ اس بیچ علاقہ کے کئی سماجی افراد نے انتظامیہ سے اپیل کی ہے کہ موسم سرما کے پیش نظر متاثرین کی فوری مدد کی جائے۔

ضلع کولگام کے کنڈ علاقہ میں آگ کی واردات میں دو رہائشی مکانات خاکستر ہو گئے ہیں۔ کانچلو کنڈ میں سنیچر اور اتوار کی درمیانی شب کو گل محمد خان کے رہائشی مکان میں آگ لگ گئی۔

اس بیچ مقامی لوگ و فائر سروس عملہ نے کافی مشقت کے بعد آگ پر قابو پا لیا، تاہم اس دوران گل محمد خان و مشتاق احمد خان پسران غلام حسن خان کے مکانات مکمل طور پر خاکستر ہوگئے ہیں۔ آتشزدگی میں لاکھوں روپے کا ساز و سامان تباہ ہو گیا۔ جبکہ دو کنبے سرد ہواؤں اور بھاری برف کے بیچ کھلے آسمان تلے آگئے ہیں۔

آگ لگنے کی وجوہات کا پتہ لگایا جا رہا ہے۔ اس بیچ علاقہ کے کئی سماجی افراد نے انتظامیہ سے اپیل کی ہے کہ موسم سرما کے پیش نظر متاثرین کی فوری مدد کی جائے۔