کولگام ڈی ڈی سی نے عید میلاد البنی کی تقریبات کی تیاریوں کا جائزہ لیا

کولگام کے ضلع ترقیاتی کمشنر ڈاکٹر بلال محی الدین بٹ نے حضرت میر سعید حُسین سمنانی کے آستان عالیہ میں عید میلاد النبی کی تقریبات کی تیاریوں کا جائزہ لیا۔

جموں و کشمیر کے ضلع کولگام میں حضرت میر سعید حُسین سمنانی کے آستان عالیہ میں آج ضلع ترقیاتی کمشنر ڈاکٹر بلال محی الدین بٹ نے عید میلاد البنی کے موقع پر منعقد ہونے والی تقریبات کی تیاریوں کا جائزہ لیا اور آستان عالیہ پر حاضری دی۔

انہوں نے حضرت میر سعید حُسین سمنانی کے آستان عالیہ میں زائرین کو بہتر انتظامات فراہم کرنے کے علاوہ اوقاف کمیٹی کو ہدایت دی کہ وہ کورونا وائرس کے خدشات کے پیش نظر ایس او پیز کا بھی خاص خیال رکھیں۔

ضلع ترقیاتی کمشنر نے اوقاف کمیٹوں سے تبادلہ خیال کرتے ہوئے کہا کہ جس طرح سے اوقاف کمیٹی آستان عالیہ نے ابھی تک ایس او پیز اور سماجی دوری کا خیال رکھا گیا ہے، اسی طرح سے اوقاف کمیٹی اور زائرین مستقبل میں بھی تعاون کریں گے۔