ڈی سی کولگام کا ضلع اسپتال کا دورہ

ضلع ترقیاتی کمشنر کولگام اور پروگرام منیجر برائے این ایچ ایم نے ضلع اسپتال کا دورہ کرکے وہاں کام کا جائزہ لیا۔

ضلع اسپتال کولگام میں ترقیاتی کاموں کو وقت پر پورا کرنے اور اسپتال میں کام کاج کا جائزہ لینے کے لیے ضلع ترقیاتی کمشنر شوکت اعجاز بٹ اور پروگرام منیجر برائے این ایچ ایم ڈاکٹر جتندر مہتا نے ضلع اسپتال کا دورہ کیا۔

انہوں نے ضلع اسپتال میں منعقد ہونے والے ڈی این بی کورسز شروع کرنے کے لئے تیاریوں کا جائزہ لیا۔ اس موقع پر سی ایم او ڈاکٹر فاضل کوچک، ایم ایس ڈاکٹر مظفر اور دیگر افسران موجود تھے۔

اس موقع پر بتایا گیا کہ ضلع اسپتال میں کورسز شروع کرنے کے لئے تمام مطلوبہ اقدامات کو جلد پورا کیا جائے گا اور اور اینستھیزیا کے ورک اسٹیشن کے علاوہ 100 نئے بیڈز بھی شامل کیے جائیں گے۔

اس موقع پر انہوں نے کہا کہ ضلع اسپتال میں ڈی این بی کورس شروع کرنے کے لئے (اے بی جی) مشینیں اور 42 اسٹاف نرسیں فراہم کی جائیں گی۔ اس دوران ایک 3D لیپروسکوپ نصب کیا گیا تھا اور کووڈ 19 معاملات کی تیزی سے جانچ کے لئے CB_Net بھی لگایا گیا تھا۔

ڈی ڈی کولگام نے مریضوں اور تیمارداروں سے بھی بات چیت کی جس دوران انہوں نے ماسک پہننے، سماجی دوری کا خیال رکھنے سمیت دیگر احتیاطی تدابیر پر عمل پیرا ہونے کی تلقین کی۔

ڈی ڈی کولگام نے شعبہ صحت سے متعلق مختلف ترقیاتی منصوبوں میں سرعت لانے کے لیے افسران پر زور دیا۔