کولگام میں کورونا وائرس کی جانچ کے لیے مختلف مراکز کا قیام

جنوبی کشمیر کے کولگام میں بھی لوگوں سے اپیل کی گئی ہے کہ وہ محکمہ صحت اور دیگر محکمہ جات کے جاری کردہ مشوروں پر عمل کریں۔

ضلع ترقیاتی کمشنر شوکت اعجاز بھٹ نے افسران کی ٹیم کے ساتھ آج کولگام کے مختلف کورونا وائرس مراکزوں کا دورہ کیا جو کووڈ-19 کے مشتبہ مریضوں کے لیے قائم کیے گئے ہیں۔

ضلع میں گورنمنٹ ڈگری کالج میں 200 سے زائد بیڈز کو کووڈ-19 کے مریضوں کی جانچ اور علاج کے لیے قائم کیا گیا ہے وہاں کے انتظامات کی بابت انہوں نے تفصیلی رپورٹ لی۔

انہوں نے دوسری عمارتوں کا بھی دورہ کیا جنہیں کووڈ -19 مراکز کے لیے استعمال کیا جاسکتا ہے جس میں گوجر بکروال ہاسپیٹل، جی این ایم کالج۔ بیتُ الہلال و دیگر سرکاری و غیر سرکاری عمارتیں شامل ہیں۔