لاک ڈاؤن: خانہ بدوش مشکلات سے دوچار

جموں و کشمیر میں مویشی پالنے والے خانہ بدوش بھی کورونا وائرس کی وجہ سے پھیلے عدم استحکام کی وجہ سے متاثر ہورہے ہیں۔

کورونا وائرس سے جہاں ہر چھوٹا بڑا شعبہ متاثر ہوا ہے وہی خانہ بدوش لوگ بھی اس کے زد میں آئے۔

کئی خانہ بدوش لوگ جو کہ ضلع ریاسی سے براستہ پیر پنچال وادی کے جنوبی ضلع کولگام کے مختلف علاقوں میں مال مویشی پالنے کے ساتھ ساتھ اپنے مال مویشیوں کو فروخت بھی کرتے ہیں کا کہنا ہے کہ 'کورونا کی وجہ سے اس سال ہمیں کافی نقصان ہوا کیونکہ جب ہر طرف لاک ڈاون ہے تو اس سے ہمارا روزگار بھی متاثر ہوا ہے۔'

انہوں نے کہا کہ 'جو بھی گاہک ہمارے پاس مال خریدنے کے لیے آتا ہے وہ کم نرخ میں ہمارا مال کو خریدتا ہیں کیونکہ ہم لوگ مجبور ہیں۔'‎

قابل ذکر ہے کہ کورونا وائرس کے قہر سے پوری دنیا خوف کے سائے میں ہے وہیں اس دوران کروڑوں لوگ روزری روٹی سے بھی محروم ہوگئے ہیں۔