بوگنڈ کولگام میں سرچ آپریشن

کولگام کے علاقے بوگنڈ میں سکیورٹی فورسز کی ٹیم علاقے کے تمام آمدورفت کے راستوں کو بند کردیا ہے، لیکن ابھی تک سرکاری طور پر اس کی تصدیق نہیں ہوئی ہے کہ علاقے میں کس بنیاد پر سکیورٹی فورسز کو تعینات کیا گیا ہے۔

جنوبی کشمیر میں کولگام کے علاقے بوگنڈ میں سکیورٹی فورسز کی ٹیم نے علاقے میں پہنچ کر تلاشی مہم شروع کردی ہے، ابھی تک سرکاری طور پر اس کی تصدیق نہیں ہوئی ہے کہ علاقے میں کس بنیاد پر سکیورٹی فورسز کو تعینات کیا گیا۔

تفصیلات کے مطابق دیر شام گئے علاقے میں سکیورٹی فورسز نے علاقے کو اپنی تحویل میں لیا اور تلاشی کاروائی شروع کردی مقامی ذرائع کے مطابق علاقے میں ڈرون کیمرہ کا بھی استعمال کیا جارہا ہے۔

مقامی ذرائع کے مطابق چوٹ پورہ بوگنڈ میں آنے جانے کے راستوں کو بند کیا گیا ہے، آخری اطلاع ملنے تک کسی بھی ناخوشگوار واقعے کی کوئی اطلاع نہیں ملی۔