کولگام میں کووڈ کے حوالے سے بیداری پروگرام کا انعقاد

جموں وکشمیر کے کولگام میں یتیم فاؤنڈیشن اور رحمت عالم فاؤنڈیشن کے اشتراک سے پروگرام کا انعقاد کیا گیا۔

جموں وکشمیر یتیم فاؤنڈیشن اور رحمت عالم فاؤنڈیشن کے اشتراک سے کولگام میں کووڈ کے حوالے سے ایک بیداری پروگرام عمل میں لایا گیا جس میں علاقے کے افراد کو کووڈ کے رہنما خطوں پر عمل پیرا کرنے کی تلقین کی گئی۔

بیداری پروگرام میں علاقے کے لوگوں کو کووڈ مخالف کٹس۔ سینیٹائزر، ماسک اور ادویات کے علاوہ بچوں کے لیے ڈائپر ودیگر سازو سامان تقسیم کیا گیا۔

اس موقع پر مقامی لوگوں نے فاؤنڈیشن کے صدر کو مبارک باد پیش کیا۔

مقامی لوگوں نے کہا کہ علاقہ پسماندہ ہے اور فاؤنڈیشن کی پہل بروقت رہی کہ وہ علاقے کو مالی امداد کرتا رہتا ہے۔ پروگرام میں فاؤنڈیشن کے عہدیداران محمد جبار اور حاجی مشتاق کے علاوہ دیگر مقررین موجود تھے۔

واضح رہے کہ کولگام میں ادارے لھزا کی طرف سے ہمیشہ ایسے پروگرام کا اہتمام ہوتا رہتا ہے تاکہ غریبی کی سطح سے نیچے گزر بسر کرنے والے افراد کی مالی معاونت کی جاسکے۔