وادی کشمیر کے اکثر اضلاع میں اے ٹی ایم کے باہر لمبی لمبی قطاریں دیکھنے کو مل رہی ہیں۔
دمحال ہانجی پورہ سے کولگام آئے ہوئے ایک شخص نے ای ٹی وی بھارت کے ساتھ بات کرتے ہوئے کہا کہ انکے علاقے کے سبھی اے ٹیم ایم خالی پڑے ہیں اور نقدی حاصل کرنے کے لئے وہ پچھلے دو گھنٹوں سے ڈی سی آفس کولگام میں موجود اے ٹیم کے باہر لمبی قطار میں اپنی باری کا انتظار کر رہے ہیں۔
واضح رہے کہ ریاست جموں و کشمیر میں جمعے کو گورنر انتظامیہ کی جانب سے امر ناتھ یاتریوں اور سیاحوں کو فوری طور ریاست چھوڑ کر واپس اپنے گھروں کو لوٹنے سے متعلق جاری ایڈوائزری کے بعد وادی میں غیر یقینی صورتحال بنی ہوئی ہے۔
عوام اشیاء خورد و نوش اور پیٹرل ذخیرہ کرنے کے ساتھ ساتھ اے ٹی ایم اور بینکوں سے روپے نکالنے میں بھی مصرف ہے۔
قابل ذکر ہے کہ امرناتھ یاتریوں اور سیاحوں کو فوری طور پر وادی کشمیر چھوڑنے اور اپنے گھروں کو واپس لوٹنے سے متعلق ایڈوائزری سے جہاں یاتری اور سیاح مایوس نظر آ رہے ہیں وہیں ان حالات میں ہزاروں مزید فوجیوں کی تعیناتی سے وادی کشمیر کی عوام میں بے چینی، غیر یقینیت کے ساتھ ساتھ افواہوں اور قیاس آرائیوں کا بازار بھی گرم ہے۔