کولگام میں 19 سالہ طالب علم کی لاش برآمد

کولگام کے بچھرو گاؤں میں جمعہ کی صبح 19 سالہ طالب علم کی پر اسرار حالت میں لاش بر آمد کی گئی۔ پولیس نے اس ضمن میں ایک کیس درج کرکے تحقیقات شروع کر دی ہے۔

جنوبی کشمیر کے ضلع کولگام کے بچھرو گاؤں میں جمعہ کی صبح اس وقت ہر سو سراسیمگی پھیل گئی جب ایک 19 سالہ طالب علم کو ایک اسکول کے نزدیک پر اسرار حالت میں مردہ پایا گیا۔

سرکاری ذرائع نے بتایا کہ ضلع کولگام کے بچھرو گاؤں میں جمعے کی صبح ایک اسکول کے نزدیک ایک طالب علم کو پر اسرار حالت میں مردہ پایا گیا۔

انہوں نے متوفی طالب علم کی شناخت 19 سالہ عبدالباری میر ولد اعجاز احمد میر ساکن بچھرو کے بطور کی ہے، جو بی اے سال اول میں زیر تعلیم تھا۔

دریں اثنا پولیس نے اس ضمن میں ایک کیس درج کرکے تحقیقات شروع کر دی ہے۔

یو این آئی