کولگام میں بلاک دیوس کا انعقاد

جموں و کشمیر کے دیہی علاقوں میں ہر بدھوار کو بلاک دیوس کا اہتمام کیا جاتا ہے۔

بلاک دیوس پروگرام کے تحت بدھ کو ضلع کولگام کے دیوسر علاقے میں عوامی دربار کا انعقاد کیا گیا جس میں ڈی سی کولگام سمیت مختلف محکموں کے افسران نے شرکت کی۔

بلاک دیوس میں مختلف علاقوں سے آئے ہوئے لوگوں نے اپنے اپنے علاقہ جات کے مسائل سے حکام کو آگاہ کیا۔

اس موقع پر لوگوں نے ڈرینیج کے ناقص نظام، پانی کی عدم دستیابی کے علاوہ دیگر بنیادی سہولیات کے فقدان کے سبب عوام کو در پیش مشکلات کا ازالہ کرنے کی اپیل کی۔

اسکے علاوہ عوامی وفود نے ماہ مبارک رمضان میں بجلی کی بلا خلل سپلائی کو یقینی بنائے جانے کی بھی گزارش کی گئی۔

بلاک دیوس میں آئے افسران نے لوگوں کے مطالبات قلمبند کئے وہیں ضلع ترقیاتی کمشنر نے افسران سے عوامی مسائل ترجیحی بنیادوں پر حل کرنے پر زور دیا۔

دریں اثنا، بلاک دیوس کے دوران محکمہ صحت کی جانب سے ریپڈ کارونا ٹیسٹ بھی عمل میں لایا گیا۔