ضلع کولگام کے دَمحال ہانجی پورہ کے ایک نجی اسکول میں طلبا اور اساتذہ کے کورونا رپورٹ مثبت آنے کے بعد انتظامیہ نے وائرس کے پھیلاؤ کو کم کرنے کے لیے اقدامات کیے گئے ہیں۔
کولگام میں کورونا ویکسینیشن کے 42 مراکز قائم کیے گئے اس تعلق سے ڈی سی کولگام ڈاکٹر بلال محی الدین نے کہا کہ' علاقے کو پہلے ہی کنٹومینٹ زون میں تبدیل کیا گیا ہے تاہم لوگ ماسک کا استمعال کریں جبکہ ضلع میں قائم 42 مراکز میں ویکسینیشن کی سہولیات دستیاب ہیں۔ مزید انہوں نے لوگوں سے احتیاط برتنے کی بھی اپیل کی۔
ڈی سی نے اس حوالے سے ایک جائزہ میٹنگ کی صدارت کی اور افسران کو متحرک رہنے کی ہدایت دی گئی ہیں۔ جموں و کشمیر میں گذشتہ برس کووڈ-19کی لہر سے ابتدائی مرحلے میں سب سے زیادہ متاثرہ ضلع کولگام تھا اور یہاں سیکنڑوں کی تعداد میں متاثرہ مریض سامنے آئے۔
کووڈ-19 سے متعلق رہنما اصولوں پر اگرچہ کچھ دیر تک عملدرآمد ہوا، تاہم گذشتہ کچھ مہینوں سے قواعد و ضوابط کو بالائے طاق رکھتے ہوئے لوگ رہنما اصول پر عمل نہیں کر رہے ہیں۔
وہیں آج ضلع ترقیاتی کشمنر کولگام نے لوگوں سے اپیل کی ہے کہ وہ حکومت کی جانب سے جاری کردہ حکم ناموں کی عمل آوری کریں۔
