قاضی گنڈ میں سڑک حادثہ، 4 افراد زخمی

ضلع کولگام کے قاضی گنڈ علاقے میں دو کاروں کے درمیان ہوئی ٹکر میں چار افراد کے زخمی ہونے کی اطلاع ہے۔

کولگام ضلع کے قاضی گنڈ علاقہ میں ایکسڑک حادثہ میں 4 افراد شدید زخمی ہوگئے ہیں۔

تفصیلات کے مطابق سرینگر جموں قومی شاہراہ لیوڈورہ کے مقام پر دو کاروں میں زور دار ٹکر ہو گئی۔ تصادم کے نتیجے میں 4 افراد شدید طور سے زخمی ہوگئے ہیں۔ زخمیوں میں جیسو سنگھ ساکنہ بھوپال، گنیش سنگھ ساکنہ راجھستان، مشتاق احمد بیگ سراج پورہ ہندوارہ اور محمد الطاف ساکنہ بڈگام شامل ہیں۔

زخمیوں کی حالت نازک بتائی جارہی ہے اور انہیں پہلے ایمرجنسی ہسپتال قاضی گنڈ لایا گیا جہاں ڈاکٹروں نے انہیں مزید علاج معالجے کے لیے سرینگر کے ایس ایم ایچ ایس اسپتال منتقل کیا ہے۔

پولیس نے معاملے کی نسبت کیس درج کر لیا ہے۔ عینی شاہدین کے مطابق حادثہ کی اصل وجہ تیز رفتاری تھی۔