سڑک حادثے میں پولیس اہلکار ہلاک، ایک زخمی

جموں و کشمیر کے ضلع کشتواڑ میں کار کے کھائی میں گر جانے سے ایک ایس پی او ہلاک اور ایک دیگر زخمی ہو گیا۔

پولیس نے بتایا کہ اتوار کے روز سڑک حادثے میں ایک پولیس اہلکار ہلاک اور اس کا ساتھی زخمی ہوگیا ۔

انہوں نے بتا یا کہ جموں و کشمیر کے ضلع کشتواڑ میں ایک نجی کار گہری کھائی میں جا گری جس میں دونوں سفر کررہے تھے ۔

ایک پولیس اہلکار نے بتایا کہ ایس پی او مشتاق احمد اور سجاد حسین تتانی سروور گاؤں سے کشتواڑ قصبہ جارہے تھے کہ فوگومہار گاؤں میں گاڑی سڑک سے 200 فٹ نیچے گہری کھائی میں گر گئی۔

انہوں نے بتایا کہ انہیں نکال کر کشتواڑ ضلعی اسپتال میں داخل کرایا گیا جہاں مشتاق احمد زخموں کی تاب نہ لاتے ہوئے چل بسے۔ اور ان کے ساتھی حسین کی حالت تشویشناک بتائی گئی ہے۔