جموں وکشمیرکےکشتواڑ میں ہفتے کےروز سیکوریٹی فورسزنے لوگوں کو کورونا وبا سے بچنے کی اپیل کی۔
کشتواڑ میں انڈین آرمی کی طرف سے کورنا وبا سے متعلق کشتواڑ قصبے کے اندر تمام گلیوں تا کوچوں میں گشت لگاکرلاک ڈاون پرعمل کرنے کے ساتھ ساتھ اس وبا سے اپنی قیمتی جانیں بچانے کی اپیل کی۔
اس دوران 26 راشٹریہ رایفلز کے افسران نے لوگوں سے اپیل کی ہے کہ بغیر کسی ضروری عذر کے گھر سے باہر نہ نکلیں اور ماسک کا استعمال کریں۔ گھر کے اندر جانے سے پہلے صابن سے ہاتھ دھویں اورکورنا وبا سے پورے کشتواڑ کے ساتھ ساتھ ہمارے ملک کو اس سے نجات دلانے میں ضلع انتظامیہ کا تعاون دیں۔
اس دوران بھارتیہ جنتا پارٹی کے یوتھ صدر راکیش گوسوامی نے،سیکورٹی فورسز اور سیول انتظامیہ کا شکریہ ادا کرنے کے ساتھ ساتھ کشتواڑ کی عوام کا شکریہ ادا کیا۔ انھوں نے کہا کہ کشتواڑ کی عوام ضلع انتظامیہ کے گائڈ لائن کے مطابق چل رہی ہے جس کی وجہ کورونا کیسز کم ہوئے ہیں۔
گوسوامی نےمزید کہا آرمی دشمن کے ساتھ ساتھ اس وبا سے عام لوگوں کو بچانے کی کوشش کر رہی ہے جو کہ قابل تعریف ہے۔