کشتواڑ: سرپنچ، پنچ اور بی ڈی سی کا انتظامیہ کے خلاف احتجاج

کشتواڑ میں سرپنچ، پنچ اور بی ڈی سی نے مشترکہ طور پر جموں و کشمیر انتظامیہ کے خلاف احتجاجی مظاہرہ کیا۔

کشتواڑ کے ڈپٹی کمشنر کمپلیکس میں آج بلاک ڈیولپمنٹ چیرمین، سرپنچ، اور پنچوں نے مشترکہ طور پر جموں و کشمیر انتظامیہ کے خلاف احتجاج کیا۔ مظاہرین نے لیفٹیننٹ گورنر کے خلاف ناراضگی کا اظہار کرتے ہوئے کہا کہ زمینی سطع پر کام کر رہے، پنچوں اور سرپنچوں کو پنچایتی راج ایکٹ کے تحت اختیارات نہیں دیئے جارہے ہیں۔

زمینی سطع پر لوگوں کے ساتھ کام کرنے والے پنچوں کی ماہانہ تنخواہ ایک ہزار رکھی ہے جو کہ نا کے برابر ہے اور سرپنچوں کو تین ہزار جو کہ پنچایت کے لوگوں کے کام کرنے میں ہی خرچ ہو جاتا ہے۔ سرکار اس جانب کوئی توجہ نہیں دے رہی ہے۔

بلاک ڈیولپمنٹ کے چیرمین اور سرپنچوں نے لیفٹیننٹ گورنر سے مطالبہ کیا کہ ڈی ڈی سی کونسلروں کو جو پاور دے رہے ہیں اسی طرح سرپنچ اور پنچوں کو بھی مظبوط کیا جائے اور سرپنچوں کو بھی فنڈ مہیا کیا جائے جس سے پنچایتوں میں مزید ترقیاتی کاموں کو آگے بڑھایا جا سکے۔

سرپنچوں کا کہنا ہے کہ اگر ان کے مطالبات کو پورے نہیں کیے جاتے ہیں تو یہ لوگ سرپنچ ، پنچ کے عہدہ سے استفعی دے دیں گے۔