کشتواڑ میں فاروق عبداللہ کے خلاف احتجاج

جموں و کشمیر کے پہاڑی ضلع کشتواڑ میں سابق وزیر اعلیٰ ڈاکٹر فاروق عبداللہ کے خلاف ہندو جاگرن منچ سے وابستہ کارکنان نے احتجاج کیا۔

پہاڑی ضلع کشتواڑ میں ہندو جاگرن نامی ایک تنظیم سے وابستہ کارکنان نے فاروق عبداللہ کے چین سے متعلق حالیہ دیے گئے بیان کے خلاف احتجاج کرتے ہوئے انکے خلاف مقدمہ دائر کرنے کی مانگ کی۔

احتجاج کر رہے کارکنان نے فاروق عبداللہ کے خلاف نعرے بازے کرتے ہوئے انکا پتلہ بھی نذر آتش کیا۔

انہوں نے فاروق عبداللہ کے دفعہ 370اور چین سے متعلق دئے گئے حالیہ بیان کی مذمت کرتے ہوئے ڈاکٹر فاروق عبداللہ کے خلاف کارروائی کا مطالبہ کیا۔

واضح رہے کہ فاروق عبداللہ نے چند روز قبل ایک نجی چینل کو انٹرویو کے دوران کہا تھا کہ ’’جموں و کشمیر میں دفعہ 370 کی بحالی کے لیے چین سے مدد مل سکتی ہے۔‘‘

فاروق عبداللہ نے انٹرویو کے دوران وزیراعظم نریندر مودی پر بھی سخت تنقید کی تھی۔