پی ڈی پی رہنما کی احتجاج کی دھمکی

پیپلز ڈیموکریٹک پارٹی کے ضلع صدر ایڈوکیٹ شیخ ناصر حسین نے ایک پریس کانفرنس کرکے ضلع کشتواڑ کے انتظامیہ کو احتجاج کی دھمکی ہے۔

پریس کانفرنس میں پی ڈی پی کے ضلع صدر نے کہا کہ 'بونجواہ بلاک ترقیاتی دفتر علاقے کے بجائے کشتواڑ میں کام کر رہا ہے جو کہ علاقہ بونجواہ کے لوگوں کے لیے بہت بڑی پریشانی پریشانی کا باعث ہے'۔

ان کا کہنا تھا کہ 'بونجواہ میں دفتر نہ ہونے کے باعث عام لوگوں کو طرح طرح کے مشکلات سے دو چار ہونا پڑرہا ہے'۔

انہوں نے کہا کہ اگرچہ یہ معاملہ ہم نے کئی بار اعلیٰ حکام کی نوٹس میں لایا تاہم وہ آج تک ٹس سے مس نہیں ہوئے'۔

ناصر نے ضلع ترقیاتی کمشنر کشتواڑ انگریز سنگھ رانا سے معاملے کی طرف توجہ دینے کی اپیل کی اور کہا کہ 'بونجواہ میں تمام سرکاری دفتر بونجواہ سے ہی کام کرنے چاہیے ورنہ پی ڈی پی پارٹی سڑکوں پر اتر کر ضلع انتظامیہ کے خلاف احتجاج کرے گی'۔