کشتواڑ: ہزار سے زائد شراب کی بوتلیں ضبط، ملزم گرفتار

پہاڑی ضلع کشتواڑ میں پولیس نے ناکے کے دوران غیر قانونی شراب ضبط کرکے ملزم کو گرفتار کر لیا ہے۔

ضلع کشتواڑ میں گزشتہ تین مہینے کے دوران جموں و کشمیر پولیس نے منشیات مخالف مہم کو تیز کرتے ہوئے ایک درجن سے زائد افراد کو غیر قانونی دیسی شراب کی تسکری کے الزام میں گرفتار کیا ہے۔

منشیات کے خلاف کارروائی جاری رکھتے ہوئے کشتواڑ پولیس نے ایک شخص کو 1130 شراب کی بوتلوں کے ساتھ گرفتار کر لیا۔

ڈپٹی ایس پی ہیڈکوارٹر، ستیش کمار، نے میڈیا سے بات کرتے ہوئے کہا کہ ایک خفیہ اطلاع موصول ہونے کے بعد انہوں نے ضلع کے سرتھل موڑ پر ناکہ قائم کیا۔

پولیس نے دعویٰ کیا کہ ناکہ پر ایک گاڑی زیر رجسٹریشن نمبرJK17-6856 کی تلاشی کے دوران شراب کی 1130بوتلیں ضبط کرکے ڈرائیور کو حراست میں لے لیا گیا۔

کشتواڑ پولیس نے نوجوانوں کو منشیات کی لت سے دور رہنے کے ساتھ ساتھ عوام الناس سے منشیات کا قلع قمع کرنے میں پولیس کو بھرپور تعاون فراہم کرنے کی اپیل کی ہے۔