کشتواڑ: مشک بالا کے تین تھیلے ضبط

کشتواڑ پولیس نے کاروائی کرتے ہوئے غیر قانونی طریقے سے لائے جانے والے مشک بالا کو ضبط کیا ہے۔ جبکہ اسمگلر فرار ہونے میں کامیاب رہا۔

کشتواڑ: جموں و کشمیر کے کشتواڑ کے مڑواہ فارسٹ ڈویزن کے اڈیل رینج آفیسر نے بلاک آفیسر چھاترو فارسٹ گارڈ کے ساتھ چھاترو کے ملک ناڑ میں چناب سرکل فارسٹ کی نگرانی میں مغل میدان سے ناجائز ایم ایف پی مشک بالا کے تین تھیلے قبضے میں لیے۔

وجے کمار (ایس ایف ایس) نے نمائندہ کے ساتھ بات کرتے ہوئے کہا کہ جڑی بوٹی کے اسمگلروں کے بارے میں جانکاری کنزرویٹر چناب سرکل کو ملی تھی اور انکی ہدایت پر رینج آفیسر اڈیل کو موقع واردات پر ٹیم کے ساتھ روانہ کر جڑی بوٹی کو ظبط کیا گیا۔ اس دوران اسمگلر فرار ہونے میں کامیاب ہوا۔