کشتواڑ پولیس کی جانب سے کشتواڑ میں رات کو چیکنگ مہم شروع کی گئی ہے۔ کشتواڑ قصبہ میں رات کے وقت پولیس سختی سے ناکہ بندی کر رہی ہے۔
اس دوران ایس ایچ او کشتواڑ انسپکٹر عابد بخاری اور دیگر پولیس افسران نے کشتواڑ کے بس اسٹینڈ سے کُلید چوک تک ناکہ لگا کر جگہ جگہ پر رات میں گاڑیوں کی چیکنگ کی۔
ایس ایس پی کشتواڑ کی ہدایت پر پولیس رات کو روزانہ کشتواڑ کے بازار میں ناکہ لگاتے ہیں اس دوران گاڑیوں کی چیکنگ کے ساتھ ساتھ ماسک لگانے کی بھی ہدایت دی جاتی ہے۔
یہ بھی پڑھیں: کشتواڑ: عوام کی شکایت پر گاڑیوں کی چیکنگ
وہیں ایس ایچ او کشتواڑ عابد بخاری نے کہا کہ قصبہ کشتواڑ میں چوروں پر بھی شکنجہ کسا جارہا ہے جس کی وجہ سے چوری کی واردات میں کافی کمی آئی ہے۔ اس سلسلے میں کشتواڑ پولیس کا کہنا ہے کہ پولیس ہائی الرٹ پر رہتی ہے۔