جموں وکشمیر کے ضلع کشتواڑ میں بلاک آفیس ٹھاکرائی کے افسران پر لوگوں کا الزام ہے کہ علاقے کی ترقی میں استعمال ہونے والے سامان کو افسران نے خستہ حالی میں چھوڑ رکھا ہے اور ساتھ ہی میں جس نجی دکان میں سامان رکھا ہوا ہے، اس دکان کے مالک کا کرایہ بھی نہیں دیا جارہا ہے۔
مقامی لوگوں کا کہنا ہے کہ محکمہ کی جانب سے سیمنٹ اور دوسرے سامان کو کرائے کی عمارت میں رکھا ہوا ہے، دکان میں پڑا پڑا سامان خراب ہو رہا ہے۔
ٹھاکری کے مقامی لوگوں نے ای ٹی وی سے بات کرتے ہوئے کہا 'اس بارے میں ہزاروں بار ہم نے اسسٹنٹ کمشنر ڈیولپمنٹ تا بلاک ڈیولپمنٹ آفیسر ٹھاکری کے پاس جا کر درخواست دی اور اس سیمنٹ تا لوہے کے بورڈوں کو یہاں سے ہٹانے کے ساتھ ساتھ ہمارا کرایا ادا کرنے کو کہا لیکن ہماری سنوائی نہیں کی گئی'۔
لوگوں نے مزید کہا 'اس بارے میں ایک ٹیم تشکیل دے کر انکوائری بٹھائی جائے، تاکہ اس مسئلے کا جلد حل ہو سکے'۔
جموں و کشمیر سے عموماً ایسی خبریں سامنے آتی رہتی ہیں، جن میں عوام کا یہ الزام ہوتا ہے کہ انتطامیہ کی جانب سے سرکاری فرنڈس کا غلط استعمال کیا جارہا ہے، اس کے باوجود حکومتی صطح پر اس کا کوئی حل نہیں نکلتا ہے۔
