کشتواڑ: چھتیس گڑھ میں ہوئے نکسلی حملہ کے خلاف احتجاج

تنظیم کے ڈسٹرکٹ ایگزیکٹو رکن منیشور شرما کے مطابق ملک میں دشمن تیزی سے آگے بڑھ رہے ہیں۔

کشتواڑ کے ڈاک بنگلو چوک سے لیکر شہید مزار تک آج 'اک جٹ جموں یونٹ' کشتواڑ کے ایگزیکٹو رکن منشور شرما کی زیر نگرانی کینڈل مارچ نکالا گیا اور اس دوران درجنوں لوگوں نے کینڈل مارچ میں شرکت کر کے شہید سیکورٹی فورسز کو خراج عقیدت پیش کیا۔

اک جٹ جموں کے ڈسٹرکٹ ایگزیکٹو رکن منیشور شرما نے میڈیا سے بات کرتے ہوئے کہا کہ ہمارے ملک میں دشمن تیزی سے بڑھ رہے ہیں۔ زمینی سطع پر نکسلیوں کو ختم کرنے کی ضرورت ہے۔

انہوں نے مزید کہا کہ بی جے پی کی حکومت مرکز اور ملک کی اکثر ریاستوں میں ہے۔ وزیر اعظم ہند نریندر مودی جی کو سخت اقدامات کرنے چاہیے جس سے پورے ملک سے ملک کے دشمنوں کا صفایا کیا جائے۔