Farooq Abdullah on JK Elections مرکزی حکومت جموں وکشمیر میں اسمبلی انتخابات کرانے سے کترا رہی ہے

ڈاکٹر فاروق عبداللہ نے خطہ چناب کے ضلع کشتواڑ کا 4 روزہ دورہ سمیٹتے ہوئے وڑون میں ایک عوامی اجتماع سے خطاب کرتے ہوئے کہا کہ حکمرانوں نے یہاں غیر مقامی لوگوں کو اسمبلی انتخابات میں ووٹ ڈالنے کا حق دیا ہے اور اس سازش کا مقابلہ کرنا یہاں کے تمام پشتینی باشندوں کی ذمہ داری بنتی ہے۔Farooq Abdullah four day visit Kishtwar

جموں:جموں وکشمیر نیشنل کانفرنس کے صدر ڈاکٹر فاروق عبداللہ نے کہا ہے کہ نئی دلی میں براجمان حکمران جماعت جموں وکشمیر میں اس لئے اسمبلی انتخابات کرانے سے کترا رہی ہے کیونکہ انہیں معلوم ہے کہ اگر اُن کی حکومت نہیں بنی تو یہاں کی اسمبلی اُس صدارتی حکمنامے کو غیر آئینی قرار دے گی جس کے ذریعے 5 اگست 2019 کو جموں وکشمیر کی خصوصی پوزیشن چھین لی گئی۔Farooq Abdullah on JK Elections

انہوں نے کہا کہ حکمران جماعت نے جموں وکشمیر میں اپنی جیت کو یقینی بنانے کے لئے اسمبلی نشستوں کی من پسند حدبندی کی، اسمبلی سیٹوں کی ہیرا پھیری کی اور موقعہ پرست لوگوں کو زرکثیر دے کر خرید لیا جو یہاں ان کا پروپیگنڈا چلا رہے ہیں لیکن اس کے باوجود بھی انہیں یہاں جیت ملتی دکھائی نہیں دے رہی ہے۔اس لئے اب حکمرانوں نے یہاں غیر مقامی لوگوں کو اسمبلی انتخابات میں ووٹ ڈالنے کا حق دیا ہے اور اس سازش کا مقابلہ کرنا یہاں کے تمام پشتینی باشندوں کی ذمہ داری بنتی ہے۔Farooq Abdullah on voting rights to non locals

ان باتوں کا اظہار موصوف نے خطہ چناب کے ضلع کشتواڑ کا 4روزہ دورہ سمیٹتے ہوئے وڑون میں ایک عوامی اجتماع سے خطاب کرتے ہوئے کیا۔NC Public Rally in warwan

ڈاکٹر فاروق عبداللہ نے اپنے خطاب کے دوران عوام خصوصاً نوجوانوں سے اپیل کی کہ وہ ووٹر فہرستوں میں اپنا نام درج کرائیں اور تمام لوازمات کو پورا کریں۔

انہوں نے کہا کہ ووٹ پرچی کے ذریعے ہی ہم اپنے حقوق کی بحالی کیلئے جدوجہد کرسکتے ہیں اس لئے ضروری ہے کہ ہم ووٹر فہرستوں میں اپنا نام درج کرائیں اور جب الیکشن کا بگل بجے تو اس روز کھڑے ہوجائیں اور اگر سامنے توپیں بھی ہوں تو پیچھے نہ ہٹیں کیوں زندگی اور موت اللہ کے ہاتھ ہوتی ہے اور جب تک اُس کی مرضی نہیں ہوگی اُس وقت تک آپ کو کوئی نقصان نہیںپہنچا سکتا ہے۔

ڈاکٹر فاروق عبداللہ نے لوگوں کو موقعہ پرست عناصر سے ہوشیار کرتے ہوئے کہا کہ بہت سارے لوگ آپ کے پاس مختلف لباس پہن کر آئیں گے، جو آپ کو سبز باغ دکھائیں گے اور آپ کا ایمان پیسوں سے خریدنے کی کوشش کریں گے لیکن آپ کو اس دوران عزم اور استقلال کا مظاہرہ کرنا ہے اور دشمنوںکی تمام چالوں سے ہوشیار رہنا ہے۔

ڈاکٹر فاروق عبداللہ 4روزہ دورے کے دوران درجنوں علاقوں میں گئے اور وہاں لوگوں کیساتھ بات چیت کی اور اُن کے مسائل اور مشکلات سے آگہی حاصل کی۔

(یو این آئی)