Shihab Chottur Reached Mecca تین سو ستر دن پیدل سفر کرکے مکہ پہنچے کیرالہ کے شہاب، 8600 کلومیٹر کا کیا سفر

کیرالہ سے مکہ تک پیدل سفر کرنے والے شہاب چھوٹور اپنی منزل پر پہنچ گئے ہیں۔ دو جون 2022 کو شہاب نے اپنے سفر کا آغاز کیا تھا۔ انہیں سعودی پہنچنے میں 370 دن لگے۔ لوگوں نے ہر جگہ ان کا استقبال کیا۔ شہاب کئی ممالک کی سرحدیں کو عبور کرکے مکہ پہنچے ہیں۔

کیرالہ: دینا بھر سے اس وقت مسلمان حج کے لیے سعودی عربیہ روانہ ہو رہے ہیں۔ اس مذہبی سفر میں شرکت کے لیے بھارت سے تقریباً 175000 لوگ مکہ پہنچنے والے ہیں۔ یہ سفر 21 مئی کو شروع ہوا ہے۔ وہیں کیرالہ کے ایک نوجوان شہاب چھوٹور نے پیدل مکہ جانے کا فیصلہ کیا۔ یہ بہت مشکل فیصلہ تھا کیونکہ بھارت سے مکہ کا فاصلہ 8640 کلومیٹر ہے لیکن شہاب کی مضبوط ارادوں کے سامنے یہ فاصلہ بھی کم پڑ گیا۔ وہ ایک سال پانچ دن یعنی (تقریباً 370 دن) سفر مکمل کر کے مکہ پہنچے۔ وہ پاکستان، ایران، عراق، کویت کے راستے سعودی عرب پہنچے۔

کیرالہ کے ملاپورم ضلع کے ویلانچیری کے رہنے والے شہاب چوٹور نے 2 جون 2022 کو اپنے سفر کا آغاز کیا تھا۔ انہیں سعودی پہنچنے میں 370 دن لگے۔ سعودیہ پہنچنے کے بعد شہاب اسلام کے اہم ترین مقام مدینہ پہنچے۔ یہاں انہوں نے 21 دن گزارے۔ شہاب نے مکہ اور مدینہ کے درمیان 440 کلومیٹر کا فاصلہ نو دنوں میں طے کیا۔

شہاب اپنی والدہ زینب کے سعودی عرب پہنچنے کے بعد حج ادا کریں گے۔ کیرالہ کے شہاب اپنا یوٹیوب چینل بھی چلاتے ہیں۔ ہر روز وہ حاضرین کو اپنے سفر کے بارے میں بھی بتاتے رہتے ہیں۔ گزشتہ سال جون میں حج کا سفر شروع کرنے کے بعد، شہاب نے واہگہ بارڈر پہنچنے سے پہلے ملک کی کئی ریاستوں سے گزرے۔ بتا دیں کہ وہ واہگہ بارڈر سے پاکستان میں داخل ہونا چاہتے تھے لیکن پاکستانی حکام نے انہیں روک دیا کیونکہ شہاب کے پاس ویزا نہیں تھا۔ شہاب کو ٹرانزٹ ویزا حاصل کرنے کے لیے ایک ماہ تک ایک اسکول میں انتظار کرنا پڑا۔ فروری 2023 میں شہاب کو ٹرانزٹ ویزا ملا۔ اس کے بعد اانہوں نے دوبارہ سفر شروع کیا اور چار ماہ بعد اپنی منزل پر پہنچے۔