کیرالہ میں کار ،لاری کی ٹکر میں پانچ افراد ہلاک

کیرالہ کے کوٹائم میں کوراویلنگڑ کے نزدیک کلیکاوو میں ہفتے کی صبح لکڑی سے لدی ایک لاری اور کار کی آمنے سامنے کی ٹکر میں ایک خاندان کے پانچ افراد کی موت ہوگئی۔

پولیس ذرائع نے بتایا کہ کوٹائم میں کوراویلنگڑ کے نزدیک کلیکاوو میں آج صبح ایٹومنور کی سمت جانے والی ایک کار سے لاری کی ٹکر ہونے سے ایک ہی خاندان کے پانچ افراد کی موت ہوگئی۔ٹکر اتنی شدید تھی کہ کار لاری کے نیچے پھنس گئی اور مسافر اس میں پھنس گئے۔

پولیس ذرائع نے کہا کہ ہلاک شدگان کی شناخت لاری ایجنٹ تھمپی(68)،ان کی بیوی ولسالا(65)،بیٹا ارجن ،بہو پربھا(46) اور پربھا کی ماں آشا کے طورپر ہوئی ہے۔یہ سبھی تروتھکل کے رہنے والے تھے۔

لاشوں کو میڈیکل کالج اسپتال میں رکھاگیاہے۔