کیرالا: کورونا وائرس کے فعال کیسز 64800 سے تجاوز

کیرالہ میں گذشتہ 24 گھنٹوں میں کورونا وائرس ’کووِڈ-19‘ کے 5887 نئے کیسز سامنے آئے اور اس وبا سے متاثر 5029 اور صحتیاب ہوئے لیکن تشویش کی بات یہ ہے کہ فعال کیسز کی تعداد 64800 سے تجاوز کر چکی ہے جو پورے ملک میں سب سے زیادہ ہے۔

متاثرین کے مقابلے صحتیاب ہونے والوں کی تعداد میں کمی آنے سے فعال کیسز میں مسلسل اضافہ ہو رہا ہے جو باعث تشویش ہے۔

سرکاری ذرائع نے بتایا کہ ریاست میں 5887 نئے کیسز سامنے آنے سے منگل کے روز متاثرین کی کل تعداد بڑھ کر 749451 ہو گئی اور 5029 افراد کے صحتیاب ہونے سے اس وائرس سے نجات پانے والوں کی تعداد بڑھ کر 3015 ہو گئی ہے۔

اس عرصے میں فعال کیسز کی تعداد 835 بڑھ کر 64،861 ہوگئی۔ تمام فعال مریضوں کا علاج مختلف اسپتالوں اور کووڈ-19 مراکز میں کیا جارہا ہے۔
غور طلب ہے کہ کورونا وائرس کے فعال کیسز میں کیرالہ اب سب سے زیادہ متاثر مہاراشٹر سے بھی آگے نکل گیا ہے اور وہ پورے ملک میں پہلے نمبر پر آگیا ہے۔ کورونا کیسز میں کیرلا تملناڈو کے بعد پانچویں نمبر پر ہے۔

یو این آئی