ہتھنی موت معاملہ: ملزم نے جرم قبول کیا

تفتیش کے دوران ملزم ولسن نے بتایا کہ ہتھنی کی موت اس وقت ہوئی جب اس نے دھماکہ خیز مواد سے بھرے پھل کو کھانے کی کوشش کی۔

ریاست کیرلا کے ضلع پلککڑ میں ایک حاملہ ہتھنی کی ہلاکت کے معاملہ میں گرفتار ملزم نے قبول کر لیا ہے کہ اس نے جنگلی سوروں کے شکار کے لئے دھماکہ خیز مواد سے بھرا پھل رکھا تھا، ملزم کے بیان کے مطابق ہتھنی کی موت دھماکہ خیز مواد کو کھانے سے ہوئی ہے۔

حاملہ ہتھنی کی ہلاکت کا معاملہ

ہتھنی کی موت کے معاملہ میں پولیس نے چلککل اوتھوکومپورم اسٹیٹ کی کوٹوپڑم میں ربر ٹیپنگ کا کام کرنے والے 'ولسن' نامی شخص کو حراست میں لیا ہے۔

تفتیش کے دوران ملزم ولسن نے بتایا کہ ہتھنی کی موت اس وقت ہوئی جب اس نے دھماکہ خیز مواد کو کھانے کی کوشش کی۔

پولیس کی تفتیش میں ولسن نے بتایا کہ اس نے جنگلی سوروں کا شکار کرنے کے لئے پھل کے اندر پٹاخہ چھپا کر گھات بنایا تھا، اس نے قبول کیا ہے کہ سوروں کا شکار کرنے کے ارادہ سے اس نے ایسا کیا تھا۔

تفتیش کے دوران یہ بھی انکشاف ہوا ہے کہ ولسن جنگلی جانوروں کا گوشت غیر قانونی طریقے سے فروخت کرتا تھا۔

وہیں ولسن پر جنگل اور وائلڈ لائف پروٹیکشن ایکٹ کے تحت مقدمہ درج معاملہ درج کرلیا ہے۔